Di pêşnûmeya qanûnê ya ku ji bo sala malî ya 2023-an a Meclisa Nûneran a Dewletên Yekbûyî yên Amerîkayê (DYA) hatiye amadekirin, 60 milyon dolar alîkariya însanî ya ji bo Ermenîstanê û 2 milyon dolar jî ji bo Artsaxê heye. Li gorî “Armenpress”ê, ev yek ji aliyê Meclîsa Ermeniyan a Amerîkayê (Meclîsê) ve hat ragihandin.
Di raporê de tê gotin ku “Pêşniyara Komîsyonê ji bo geşepêdana aborî, hilberîna sektora taybet, serxwebûna enerjiyê, demokrasî û serweriya hiqûqê û ji bo armancên din ne kêmtir ji 60.000.000 dolaran dide Ermenistanê.”
Ji bilî vê, pêşniyara Komîsyonê ji bo xebatên pûçkirina mayînan li Qerebaxê ne kêmtirî 2,000,000 dolaran dide:” di daxuyaniyê de tê gotin.
Serokê Komîteyê Menendez diyar kir ku “ew ê bi tundî çavdêriya her alîkariyên ku ji Azerbaycanê re tê kirin bidomîne û çaverê ye ku Wezareta Derve bi şefafiyek tam tevbigere û hemî hûrguliyên pêwîst pêşkêşî Kongreyê bike da ku her alîkariyên ku ji Bakûyê re têne kirin binirxîne.”
Sîf, serokê komîteyê, got ku alîkariya leşkerî ji Azerbaycanê re “li dijî nirxên bingehîn ên demokratîk ên welatê me ye” û “dibe ku rejîma Aliyev re bihêle ku kiryarên xwe yên provokatîf ên li dijî Ermeniyan bidomîne an tundtir bike.”
“Meclîs spasiya xwe ji Seroka Komîteyê Barbara Lîîn û Endama Bilind a Kongreyê Hel Rocers re diyar dike ku ji bo alîkariya gelê ermenî ev fonên krîtîk tevlî kirine. Em her weha spasiya Komîteya Kongreyê ya Karûbarên Ermeniyan dikin ji bo serkirdayetiya wan û nameya wan a dupartî ji Komîteya Berpirsiyariyên Meclisa Nûneran re ku mijarên sereke yên siyasetê diyar dike,” got Merîam Xaloyan, Rêvebira Têkiliyên Kongreyê ya Meclîsê.
