Serokwezîrê Komara Ermenîstanê Nîkol Paşînyan bi Roja hindikahiyên netewî yên Komara Ermenîstanê peyamek pîrozbahiyê şand. Ev agahî ji aliyê servîsa çapemeniyê ya օfîsa serokwezîriyê ve hat ragihandin.
Divê bê zanîn ku roja Kêmarên Netewî yên Komara Ermenîstanê roja Înîa pêşîn a meha Çirîa peşin tê pîrozkirin. Ew di sala 2021-an de navnîşa betlaneyên Komara Ermenîstanê û rojên bîranînê de hate destnîşankirin.
“Hindikahiyên netewî yên Ermenîstanê, wekî beşek ji malbata neteweyên cîhanê, beşeke ji hev nayê veqetandin ji nifûsa me, ku Ermenîstanê bi taybetmendiyên xwe yên nasnameyî dewlemend dikin.
Bi tomarkirina vê rojê di nav lîsteya cejnên welatê xwe de, meyla me heye ku em bala raya giştî bikşînin ser beşeke piçûk lê girîng a welatê xwe, nûnerên neteweyên cihê, ku li kêleka hev dijîn, nasnameya wan, naskirin û çareserkirina pirsgirêkanwan:” peyamê de tê gotin.
Em lê zêde bikin ku nûnerên gelek neteweyan li Ermenîstanê dijîn: rûs, êzdî, kurd, yûnanî, cihû, suryanî, alman û yên din.
Piraniya wan di Meclîsa Neteweyî de têne temsîlkirin. Parlamenterên Fraksiyona “Peymana Sivîl” Alêksey Sandîkov (Rûs), Rustam Bakoyan (Êzdî), Knyaz Hasanov (kurd), Parlamentera Fraksiyona “Ermenîstan” Zêmfîra Mîrzoêva (Asûrî).
