Kampa Bacîd Kandala ya Êzdiyan a Duhokê piştî şewata sêyemîn a îsal tê nûjenkirin
Plan heye ku kampa awareyên navxweyî yên êzdî Bacîd Kandala li parêzgeha Duhokê ya Herêma Kurdistanê were nûjenkirin, piştî ku ji destpêka salê ve sê şewatên cuda bûne.
Li kampe 1 600 malbatên êzdî, bi giştî 8 450 kes dijîn, li gorî hejmarên Ajansa Penaberan a Neteweyên Yekbûyî (UNHCR).
Şewata herî dawî de, roja Pêşemê 25 çadir şewitîn û herî kêm 50 malbat bandor li wan kir, berpirsekî agirkujê ji Kurdistan 24 re ragihand.
Navenda pizîşkî ya kampê ji Kurdistan 24ê re ragihand, tê bawerkirin ku kurtecivînek elektrîkê li pişt şewata herî dawî ye, u piştî wê şewatê heft kes qetin nexweşxaneyê.
“Trajediyên bi tevahî û bi hêsanî têne dûr kirin!” Nûnerê UNHCR li Iraqê Jîan-Nîcolas Beuze piştî şewata ku nêzî du saetan gur bû, beriya ku agirkuj karibe vemirîne, tweet kir.
Roja Pêşemê, parêzgarê Duhokê biryar da ku rê bide niştecîyên kampê ku penagehên xwe nûjen bikin, daku rê li ber şewatên bi vî rengî ku di pêşerojê de bibe sedema wêraniyeke wiha. Kurdistan 24 da zanîn, lê dê hemû lêçûnên çêkirina penagehên betonî bidin welatiyan.
Piraniya erdê ku kamp li ser hatiye avakirin bi kirê ye, ku avakirina her avahiyek daîmî aloz dike.
Di nav tiştên din de, di şewata roja pcşemê de pirtûkên xwendekarekî pola 12an şewitîn ku ji bo îmtîhanên xwe yên dawîn dixwend, ku ji 27ê Hezîranê ve dest pê kiribûn û berdewam in.
Leîth Hussêîn Kurdistan 24 re got: “Wek hûn dibînin, hemû pirtûkên min di vê odeya ku min tê de ji bo îmtîhanan dixwend, şewitîne û ez nizanim li ku bixwînim niha .”
Bacîd Kandala di destpêkê de wek penageheke demkî ji bo penaberên Sûrî yên ku ji şerê navxweyî yê welatê xwe reviyane, ku di sala 2011an de dest pê kiribû, hat damezrandin.
kurdistan24.net dinvîse
