Hemû welatiyên Komara Ermenistanê yên ji 16 salî mezintir divê nasnameyên wan hebin
Parlamentoya Ermenistanê, di rûniştineke awarte de, di xwendina duyemîn û dawî de guhertinên yasayî pejirand, ku li gorî wan hemû welatiyên Komara Ermenistanê yên ji 16 salî mezintir divê nasnameyên wan hebin.
Tenê bi hebûna vê kartê kesek dikare pasaporta biyometrîk bistîne.
Ji bo kesên di navbera 6 û 16 salî de jî nasnameyên taybet û ji bo kesên di bin 6 salî de jî sertîfîkayên jidayikbûnê dê werin peyda kirin.
Hemû belgeyên ku ji bo rêwîtiyên derveyî welat ji hêla welatiyên Komara Ermenistanê ve têne armanc kirin dê li gorî standardên Rêxistina Hewayî ya Sivîl a Navneteweyî werin danîn. Kartên nasnameyê ji bo karanîna di nav komarê de û pasaportên biyometrîk ji bo rêwîtiya derveyî welat têne armanc kirin.
Pasaportên biyometrîk dê ji penaber û kesên ku li komarê mafê penaberiyê wergirtine re jî werin peyda kirin.
