Serokê Komara Ermenistanê Vahagn Xaçatûryan Balyoza Dewletên Yekbûyî yên Amerîkayê li Komara Ermenistanê Krîstîna Qûînn bi boneya temamkirina mîsyona wê ya dîplomatîk pêşwazî kirîe.
Serokê Komarê pêşwazîkirina Balyozê kir û ji bo çalakî û hevkariya Balyozê Qûînn spasiya wê kir, û girîngiya xebata ku di sê salên borî de hatiye kirin tekez kir.
Serok bi taybetî girîngî da qonaxa herî dawî ya pêşveçûna têkiliyên Ermenistan-Amerîkî û tekezî li ser avakirina hevkariyek stratejîk kir.
Vahagn Xaçatûryan hêvî kir ku aştî mayînde be, û hebûn û piştgiriya Dewletên Yekbûyî jî dê beşdarî pêşkeftina jiyana aborî ya Ermenistanê bibe.
Di beramberî vê de, Balyoz Krîstîna Qûînn ji bo pêşwaziya germ û hevkariyê spasiya xwe kir, û destnîşan kir ku bi saya xebata domdar a Serok û hikûmetê gengaz bû ku pêşveçûnek girîng were tomar kirin.
Krîstîna Qûînn di kurte axaftina xwe de destnîşan kir ku, piştî temamkirina mîsyona xwe ya dîplomatîk, ew ê berdewam bike ku hevala Ermenistanê bimîne.
Serokkomar Vahagn Xaçaturyan di karên wê yên pêşerojê de ji Balyoz Krîstîna Qûînn re serkeftin xwest.
Di dawiya hevdîtinê de, Serokkomar Xaçatûryan ji bo beşdariya wê ya girîng di kûrkirina hevkariya di navbera Komara Ermenistanê û Dewletên Yekbûyî yên Amerîkayê de, û her weha xurtkirin û pêşxistina têkiliyên dostane yên Ermenistan-Amerîkî de, Xelata Dostaniyê da Krîstîna Qûînn.
