Deyna giştî ya Ermenistanê heta 31ê Adarê 5 trîlyon û 318 milyar dram e.
Li gorî “Armenpress”, Wezîrê Darayî yê Ermenistanê Vahê Hovhannîsyan ev yek di civîneke çapemeniyê de ragihand.
Wezîr got, “Deynê dewletê heta 31ê Adarê 5 trîlyon û 318 milyar dram e, ku heta 31ê Kanûna Pêşîn a sala borî %4,4 zêde bûye. Li gorî encamên sala 2024an, deynê dewletê 0,1 xal kêm bûye.”
Wî piştrast kir ku tevlêbûn û mîqdara deynan di budçeya Ermenistanê û stratejiya deynê ya navîn-dem de hatine plankirin.
Wezîr her wiha tekez kir ku para deynê navxweyî di nav deynê giştî de zêde bûye û gihîştiye ji sedî 50. Hovhannisyan vê yekê wekî nîşaneyek baş dît.
Wezîr got, “Li welatên wekî ya me, deynê navxweyî ji sedî 20-30 e. Me jî heman ast hebû, û di salên dawî de me kariye vê rêjeyê zêde bikin, ku ev yek hinekî rîskên diravê biyanî kêm dike.”
