Çavdêrên navneteweyî di daxuyaniyekê de got, hilbijartinên pêşwext ên parlemanî yên Azerbaycanê alternatîfek siyasî ya rastîn pêşkêşî dengderan nekir û di çarçoveyek qanûnî de ku bi tundî azadîyên bingehîn û medyayê sînordar kir, pêk hatin, her çend ew baş organîze bûn.
Şandeya hevpar a çavdêriyê ya Ofîsa Saziyên Demokratîk û Mafên Mirovan a Rêxistina Ewlekarî û Hevkariyê li Ewropayê û Meclîsa Parlamenteran a Rêxistina Ewlekarî û Hevkariyê li Ewropayê, diyar kir ku ji hilbijartinên parlemanî yên dawî ve qanûnên hilbijartinê gelek guhertin nekiriye. û pêşniyarên demdirêj bêbersiv man.
Çavdêran diyar kirin ku her çend amadekariyên hilbijartinan bi bandor hatine kirin jî, di roja dengdanê de bi taybet di dema hejmartina dengan de binpêkirinên giran hatine tomarkirin.
Ji 34 welatan 279 çavdêr hilbijartinên awarte yên parlementoya Azerbaycanê şopandin.
Partiya desthilatdar “Azerbaycana Nû” ya bi serokatiya Serokomar Îlham Aliyev dê di meclîsê de piraniyê pêk bîne.
Li gorî encamên destpêkê, partiya desthilatdar dê di parlamentoya 125 kursî de bi qasî 68 parlamenteran hebe. 44 namzetên serbixwe jî hatin hilbijartin. Li welatekî ku bi qasî 6,421,000 hilbijêrên qeydkirî tevlibûna dengdêran ji sedî 37,27 bû.
