Ermenîstan û Macarîstanê li hev kirin ku bi hev re balyozxaneyên xwe li paytextên hev vekin.
Wezîrê Karên Derve û Bazirganiyê yê Macarîstanê Pêtêr Sîarto di civîna çapemeniyê ya hevpar a bi Wezîrê Karên Derve yê Ermenîstanê Ararat Mîrzoyan re li Bûdapeştê daxuyanî da.
Wî destnîşan kir ku ji dema vegerandina têkiliyên dîplomatîk ên bi Ermenîstanê re, di nav 1-1,5 salan de, wan karîbûn gavên girîng ên pêşverû yên ji bo geşbûna aboriya welatan bavêjin. Ermenîstan û Macarîstanê bername û peymana hevkarî û hevkariya aborî ya di navbera welatan de îmze kirin. Li ser vê yekê dê komeke xebatê bê avakirin, ku armanca wê hevkariya aborî ye û erkê wê berfirehkirin û lezkirina pêwendiyên aborî be.
Têkiliyên dîplomatîk ên di navbera Ermenistan û Macarîstanê de, di sala 1992 de hatin avakirin. di 26’ê Sibata 2012’an de hatin rawestandin. Piştî ku Macarîstanê sûcdarê Azerbaycanê Ramîl Safarov di 31ê Tebaxê de radestî Azerbaycanê kiribû. 2022 Di 1ê Kanûnê de, civîna wezîrên karên derve yên Ermenistan û Macaristanê, Ararat Mîrzoyan û Pêtêr Sîarto, di çarçoveya Foruma Wezîran a Rêxistina Ewlekarî û Hevkariyê ya Ewropayê de li Lodzê pêk hat û tê de lihevkirinek hat kirin. ji bo vegerandina têkiliyên temam ên dîplomatîk. 2023 Serdana Siyarto ya Ermenistanê pêk hat. Serokomarê Ermenistanê Vahagn Khaçaturyan jî di 5-7ê Sibatê de çûbû Macaristanê.
