Sî û du sal berê, di sala 1990 de, ji Bakûyê paytexta Azerbaycanê di 13-19 çile de bi deh hezaran Ermenî bi darê zorê koçber bûn. Li gorî nûçeya “Armenpress”ê, piştî 6 rojan ji hovîtiya li dijî Ermeniyan, bajarê ku nêzîkî 250 hezar ermenî lê dijîn ji ermeniyan hat valakirin.
1990 Komkujiyên 13-19’ê çile ji aliyê Eniya Netewî ya Azerbaycanê ve û bi sponseriya desthilatdariyê pêk hatin.
Di sala 1988’an de li Azerbaycanê pêleke hîsteriya li dijî Ermeniyan rabûbû, dawiya kanûna pêşîn destpêka çile 1989. Piştî mîtînga bi hezaran a di 13’ê çileya 1990’an de girseya gel kom bi kom ketin malên Ermeniyan yên li navnîşanên diyarkirî, dest bi lêdan û tecawizê kirin, gel ji paceyan avêtin, bi daran û kêran yên hesinî kuştin, destavêtin jinan, gelek şewitandin. Komkujî 6 rojan dewam kir.
Tenê di 19 çile de, dema ku desthilatdariya Sovyetê li Bakûyê ketibû xeterê, Mîxaîl Garbaçov bi hinceta vegerandina nîzamê li Bakûyê biryara ragihandina rewşa awarte îmze kir. Di berxwedana çekdarî de ji dehan zêdetir çekdar hatin kuştin, gelek ji wan hatin girtin.
