Di civîna ku ji hêla serokwezîr Nîkol Paşînyan ve hate rêvebirin de, rewşa ku ji ber serhildana koronavîrusê li welat qewimî û pêvajoya vakslêdanê hate gotûbêj kirin.
Wezîra Tenduristiyê Anahît Avanêsyan destnîşan kir ku di roja dawîn de 19,360 têst li komarê hatine kirin, ji vana 1863 bûyerên nexweşiyê hatine piştrast kirin. Li gorî wezîr, di encama rêzikên ku ji 1ê cotmehê ve hatine sepandin de, rêjeya cêribandina hemwelatiyan bi tundî zêde bûye, di encamê de jimara bersivên erênî jî zêde bûne. Li gorî wî, ev di tespîtkirina zû ya enfeksiyonê û pêşîgirtina li belavbûna wê de dibe alîkar. Li gorî wezîr, li welêt 22 nexweşxane ji bo dermankirina koronavîrus hatine hazirkirin, di rojên pêş de dê jimara nivînan 350 zêde bibe û bigihîje 2877.
Wezîr bal kişand ser pêvajoya derzîlêdanê, wezîr destnîşan kir ku di roja dawîn de 16,722 hemwelatî hatine derzî kirin, jimara giştî ya hemwelatiyên vakslêdanê gihîştiye 583,745
