Serokwezîr Nîkol Paşînyan û Serokwezîrê Hindistanê Narêndra Modî bi rêya telefonê axivîne
Ofîsa Serokwezîrê Komara Ermenistanê radigihîne ku Serokwezîrê Hindistanê Narêndra Modî careke din ji bo serkeftina Serokwezîr Paşînyan di hilbijartinên parlemanî yên Ermenistanê de pîrozbahî lê kir û di çalakiyên wî yên pêşerojê de serkeftin xwest.
Nîkol Paşînyan spasiya xwe ji bo pîrozbahiyê anî ziman û di berdêla wê de pîrozbahî li Narendra Modi kir ku bûye Serokwezîrê hilbijartî yê herî demdirêj di dîroka Hindistanê de, û ji bo xêra geşbûn û pêşkeftina Hindistanê serkeftinên nû jê re xwest.
Hevpeyvîneran girîngiya pêşveçûna domdar a têkiliyên dostane yên di navbera Ermenistan û Hindistanê de tekez kirin û bi kêfxweşî dînamîkên erênî yên hevkariya dualî destnîşan kirin.
Têkildarî xurtkirina diyaloga siyasî, û her weha berfirehkirina hevkariyê di aboriyê, teknolojiyên bilind, perwerde, çand û warên din ên berjewendiya hevbeş de, tekezî li ser hate kirin.
Serokwezîran li ser mijarên hevkariyê di formatên dualî û piralî de sekinîn, li ser gavên ku armanc dikin ku têkiliyan di gelek warên rojeva Ermenistan-Hindistanê de kûrtir bikin, nîqaş kirin.
Her wiha aliyan ji bo xurtkirina hevkariya di navbera herdu welatan de û pêşxistina destpêşxeriyên nû girîngî dan organîzekirina serdanên dualî yên asta bilind.
