Serokwezîrê Ermenistanê Nîkol Paşînyan ragihand ku ew beşdarî civîna serokên Yekîtiya Aborî ya Avrasyayê ya ku dê di 28ê Gulanê de li Astanayê were lidarxistin nabe.
Paşînyan ev yek di civînekê de bi rojnamevanan re got.
Li gorî Serokwezîr, di 1ê Nîsanê de, di hevdîtinekê de bi Vladîmîr Pûtîn re, wî agahdar kir ku ji ber kampanyayê, ew ê nikaribe hem beşdarî çalakiyên 9ê Gulanê li Moskowê û hem jî civîna Yekîtiya Aborî ya Avrasyayê ya 28ê Gulanê bibe.
Paşînyan destnîşan kir ku “Min pêşwext agahdar kir, her weha ji ber nezaketê, bi mantiqa nîşandana rêzgirtinê, ku ez ê nikaribim beşdarî meşa 9ê Gulanê li Moskowê bibim û min her weha agahdar kir ku ez ê nikaribim beşdarî civîna Yekîtiya Aborî ya Avrasyayê ya 28ê Gulanê bibim.”
Paşinyan destnîşan kir ku şandeya Ermenistanê ya civînê dê ji hêla Cîgirê Serokwezîr Mhêr Grîgoryan ve were temsîl kirin.
Serokwezîr got ku wî di derbarê vê yekê de Serokomarê Kazakistanê Kassîm-Jomart Tokayêv jî agahdar kiriye.
