Serokwezîrê Komara Ermenistanê Nîkol Paşînyan dê di navbera 26-27ê Îlonê de bi serdaneke xebatê li Dewletên Yekbûyî yên Amerîkayê (DYA) be.
Li gorî “Armenpress”, ev yek ji aliyê Sekretera Çapemeniyê ya Serokwezîr Nazêlî Baghdasaryan ve hate ragihandin. Li New Yorkê, Serokwezîrê Komara Ermenistanê dê beşdarî xebatên civîna 80emîn a Civata Giştî ya Neteweyên Yekbûyî bibe û dê di nîqaşên asta bilind ên civînê de biaxive.
Di çarçoveya serdanê de, tê plankirin ku Serokwezîr Paşinyan bi Sekreterê Giştî yê Neteweyên Yekbûyî Antonio Guterres re jî bicive.
