Ermenistan di salên dawî de gihîştiye xalekê ku têkiliyên wê bi Rûsyayê re bi rastî bûne bingeha hevkariyê.
Li gorî “Armenpress”, Serokkomarê Ermenistanê Vahagn Xaçatûryan ev yek di hevpeyvînekê de bi RTVI re gotîe.
Xaçatûryan got, “Têkiliyên di navbera Rûsya û Ermenistanê de ne têkiliyek birayê biçûk-birayê mezin e, lê belê şirîkatiyek rasterast e. Ev tiştê ku me di 4 salên borî de bi dest xistiye ye.”
Li gorî Xaçaturyan, Yerevan dixwaze ku hevkarên wê yên Rûsî biryarên serbixwe yên rayedarên Ermenistanê li ber çavan bigirin.
Vahagn Xaçatûryan her wiha behsa daxuyaniya Cîgirê Serokwezîrê Rûsyayê Alêxêî Overçûk kire ku “Gere Ermenistan di navbera Yekîtiya Aborî ya Avrasyayê û Yekîtiya Ewropayê de hilbijêre, ji ber ku ne mimkûn e ku di heman demê de li ser du kursiyan rûne.” Cîgirê Serokwezîrê Rûsyayê piştî ku parlementoya Ermenistanê qanûnek li ser destpêkirina pêvajoya tevlêbûna Yekîtiya Ewropayê qebûl kir, ev daxuyanî çend caran li ser platformên cûda dabû.
Serokkomarê Ermenistanê got ku gere ji Ovêrçûk were pirsîn ka mebesta wî bi “rûniştina li ser du kursiyan” çi ye. “Her çi dibe bila bibe, niha kes tiştekî ji me re nabêje, û em tiştekî binpê nakin. Em di çarçoveya Yekîtiya Aborî ya Avrasyayê de di bin şert û mercên heyî de dixebitin. Em di warê aborî de di bin şert û mercên heyî yên Yekîtiya Ewropî de dixebitin, û heta niha ti pirsgirêk çênebûye.”
