Zanyarê navneteweyî û pisporê îranî yê pirsên Kafkasya Başûr Ehsan Movahedian, îhtîmala êrîşeke berfireh a Azerbaycanê li dijî Ermenîstanê di şert û mercên niha de kêm dinirxîne, hem rewşa aloz a herêmê û hem jî piştgirîya Ermenîstanê li welatên navçeyî û derveyî herêmê.
Mamostayê zanîngeha ATU (Allameh Tabataba) ya Tehranê Ehsan Movahêdîan di hevpeyvînekê de ligel peyamnêrê Armenpressê, amaje bi dezenformasyonên Wezareta Berevaniya Azerbaycanê ya di çend rojên borî de ku tê gotin hêzên çekdar ên Ermenistanê guleyan li çeperên Azerbaycanê dibarînin, kir.
Pisporê îranî da zanîn ku bi reftareke wiha, aliyê Azerbaycanê dixwaze bi qasî ku pêkan e ji Ermenîstanê tawîzan bigire.
Li gorî çavdêriya wî, dema Azerbaycan dest bi daxuyaniyên bi vî rengî an jî gavên bi vî rengî dike, bi rastî propagandayên derew û xapandinê dike, ev tê wê wateyê ku Bakû bêhêvî bûye.
Li gor pisporan, dibe ku Bakû di demeke nêzîk de li navçeyên sînorî hin pevçûnên herêmî derbixe û bi armanca bidestxistina hin xalan.
Wî bal kişande ser wê yekê ku eger di van şert û mercan de Îran û Ermenîstan hin rahênanên serbazî bi rê ve bibin, ew jî bi beşdariya welatên din ji bo nimûne, Hindistan û heta Rûsyayê, dê bibe peyamek zelal û bihêz bo Bakûyê.
Di vê hevdîtinê de pisporê îranî herwiha amaje bi peywendiya telefonî ya ku çend roj berê di navbera Serokwezîrê Komara Ermenîstanê û Serokê Komara Îslamî ya Îranê Mesûd Pezeşkiyan de pêk hatibû, kir û bal kişand ser wê yekê ku di hevdîtinê de bi awayekî eşkere stratejiya peywendiyên Ermenistan û Îranê dupat kirin.
