Komîteya Mafên Mirovan a Kongreya Amerîkayê dê li ser mijara paqijiya etnîkî ya ku ji aliyê Azerbaycanê ve li Qerebaxê hatiye kirin, guhdarî bike.
Di 19ê Îlonê de Komîteya Mafên Mirovan a Kongreya Amerîkayê dê li ser paqijiya etnîkî ya ku ji aliyê Azerbaycanê ve li Qerebaxê hatiye kirin, binpêkirinên mafên mirovan ên li dijî Ermeniyên Qerebaxa Çiya, rûniştinan pêk bîne. Komîsyon her wiha dê mijara tepeserkirina wan azeriyên ku ji ber dijberiya hikûmeta Azerbaycanê bûne qurbaniyên zordariyê gotûbêj bike.
Li ser vê yekê Komîteya Mafên Mirovan a Kongreya Amerîkayê peyamek weşand.
“Hikûmeta Azerbaycanê di warê mafên mirovan de xwedî rewşeke xerab e. Li gorî Freedom House, “hêza di rejîma otorîter a Azerbaycanê de bi giranî di destê Îlham Aliyev û malbata wî ya mezin de ye, ku ji sala 2003-an vir ve posta serokatiyê digire.” Gendelî li Azerbaycanê berbelav e, û dijberiya siyasî ya fermî ji ber çewisandina salan qels bûye. Di salên dawî de, desthilatdaran destdirêjiyek mezin li ser azadiyên sivîl pêk anîn, “komîsyonê di daxuyaniyekê de got.
Organîzatorên çalakiyê bi bîr tînin ku piştî ku hikûmeta Azerbaycanê di Îlona 2023an de ji bo kontrolkirina tam li ser Qerebaxa Çiyayî operasyoneke leşkerî pêk anî, rewşa ermeniyên etnîkî yên li herêmê bi awayekî berbiçav guherî.
“Di dawiya sala 2023’an de hema hema hemû reviyan Ermenîstanê. Di danişînê de dê paqijiya etnîkî ya xuyayî û gelek mijarên girêdayî wê werin nîqaşkirin, di nav de rewşa girtiyên şer û girtiyên siyasî, rewşa şûnwarên çandî yên Ermeniyan li Qerebaxê û mafê ermeniyên etnîkî ku vegerin Qerebaxê. Herwesa helwesta hikûmeta Azerbaycanê li hember Azerbaycanên etnîkî yên ku ji ber dijberiya hikûmetê û siyasetên wê bûne qurbaniyên zextên navxweyî û navdewletî û herwiha pêwendiya di navbera gendelî û binpêkirina mafên mirovan de, dê were gotûbêjkirin. Beşdarên nîqaşê dê pêşniyarên xwe pêşkêşî Kongreyê bikin.”
Rûniştin dê ji endamên Kongre, xebatkarên kongreyê, raya giştî û medyayê re vekirî be. Raya giştî û çapemenî dikarin bi xwe beşdar bibin an jî li ser malpera Komîsyonê bi zindî li rûniştinê temaşe bikin.
