Serokê Rostêçê Sêrgêy Çêmêzov, qebûl kir ku kargehên pîşesaziya leşkerî ya Rûsyayê peymanên peydakirina çekan bi xerîdarên biyanî re qed dike.
“Niha ji ber sedemên diyar pêdiviyên hinardekirinê kêm bûne. Her tişt ji bo pêşiyê tê şandin, her tişt ji bo serketinê,”Çêmêzov, di hevpeyvînekê de ligel Reutersê got, û anî ziman ku peymanek “daxwaza taloqkirî” bi hevkarên biyanî re tê danîn.
Li gorîÇêmêzov, qebareya peymanên şikestî yên di sala dawî de dikare bigihêje 5-10 milyar dolaran.
Di Gulana sala borî de, rayedarên Ermenistanê betalkirina peymanên şandina çekan bi Rûsyayê re ragihandibûn. Alîkarê Wezîrê Karên Derve Mnatsakan Safaryan gilî kir ku Yêrêvanê, di nav yên din de, çekên ku ji bo wan pereyên berê hatine veguheztin, nestandine.
Li gorî Enstîtuya Lêkolînên Aştiyê ya Navneteweyî ya Stockholmê (SPIRI), di navbera 2019-2023 de hinardekirina çekan a Rûsyayê li gorî pênc salên borî ji sedî 53 kêm bûye.
