Nûçegihanê ajansa Turan a Azerbaycanê ragihand ku komek senatorên Amerîkî biryarnameyek pêşkêş kirin ku tê de behsa metirsiya zêde ya li ser azadiya çapemeniyê li seranserê cîhanê dike.
Di destpêka meha Gulanê de, Qesra Spî ragihand ku Serok Joe Biden zexta li ser azadiya çapemeniyê wekî “tehdîdeke cidî li ser ewlehiya neteweyî” dihesibîne û dê cezayên li dijî zordestên çapemeniyê ferz bike. Di biryarnameya Senatoyê de amaje bi êrîşên vê dawiyê yên li dijî azadiya medyayê li çend welatan ji wan Azerbaycanê hatiye kirin.
Di biryarnameyê de wiha hat gotin: “Li Azerbaycanê hikûmeta Îlham Aliyev ku di hilbijartinên bê hevrikî yên Sibata 2024an de cara pêncemîn bû serokomar, di mehên dawî de dîsa dest bi êrîşa li ser medyaya serbixwe kir û 10 rojnameger girtin.”
