Nivîsgeha Konseya Ewlehiyê ragihand ku di 17ê Mijdarê de, Sekreterê Konseya Ewlehiyê ya Ermenistanê Armên Grîgoryan bi Cîgirê Sekreterê Dewletên Yekbûyî yên Amerîkayê yê Karûbarên Siyasî Alîson Hookêr re civiya e.
Di civînê de, aliyan li ser aştiya li Başûrê Qefqasyayê nîqaş kirin û ew wekî destkeftiyek dîrokî nirxandin. Armên Grîgoryan girîngiya sazûmankirina pêvajoya aştiyê, û her weha xebata ku ji bo vekirina kanalên herêmî tê kirin destnîşan kir.
Aliyan li ser bernameya ragihandinê ya “Rêya Tramp ji bo Aştiya Navneteweyî û Serfiraziyê” û çalakiyên ku di çarçoveya wê de têne plankirin axivîn.
Armên Grîgoryan û Alîson Hookêr her wiha bal kişandin ser sê memorandûmên têgihîştinê yên ku di 8ê Tebaxê de di navbera Ermenistan û Amerîkayê de hatine îmzekirin û li ser rêgezên gengaz ên hevkariya pêşerojê nîqaş kirin. Sekreterê Konseya Ewlehiyê girîngiya pêşxistina têkiliyên bazirganî û aborî û avakirina geştên rasterast tekez kir.
