Wezîrê Aboriyê yê Komara Ermenistanê Gevorg Papoyan ji bo nîqaşkirina hin mijaran, di nav de hûrgiliyên têkildarî projeya “Rêya Trump”, ji bo Dewletên Yekbûyî yên Amerîkayê hat vexwendin. Papoyan ev yek di dema brifîngek piştî kongreya rêveberiya partiya “Peymana Sivîl” de got.
Gevorg Papoyan her wiha li ser pirsa ku di rewşa vekirina sînorê Ermenistan-Tirkiyê de bandora aborî dê çi be jî axivî û destnîşan kir ku sûdê herî mezin ji bo Ermenistanê gihîştina Deryaya Spî ye.
Em bi bîr bînin ku di 8ê Tebaxê de, Serokwezîrê Ermenistanê Nikol Paşinyan, Serokê Dewletên Yekbûyî yên Amerîkayê û Serokkomarê Azerbaycanê Ilham Aliyev daxuyaniyek derbarê Rêya Trump bo Serfiraziya Navneteweyî û Aştiyê îmze kirin. Komara Ermenistanê dê bi Dewletên Yekbûyî yên Amerîkayê û aliyên sêyemîn ên lihevkirî re bixebite da ku çarçoveya pêkanîna bernameya ragihandinê ya Rêya Trump bo Aştiya Navneteweyî û Serfiraziyê (TRIPP) li axa Komara Ermenistanê diyar bike.
