Anî Mêlîkyan, xwendekara pola 2-an a Dibistana Taybet a Muzîkê ya Navîn a P. Çaîkovsky li Yêrêvanê, xelata yekem di pêşbirka muzîkê ya navneteweyî ya “Grand Prize Virtuoso” de wergirt.
Pêşbirk li bajarê Salzburgê yê Awistiryayê, cihê jidayikbûna Mozart, pêk hat.
Anî Mêlîkyan di pêşbirkê de berhema “Barcarolle” ya bestekarê hemdem ê Ermenî Aram Satyan pêşkêş kir.
Mamosteya Aniyê, profesorê hevkar li Konservatuara Dewletê ya Komîtas a Yêrêvanê Irina Grigoryan, di hevpeyvînekê de bi Armenpressê re got: “Me biryar da ku berhemeke bestekarê hemdem ê Ermenî pêşkêşî temaşevanên Ewropî bikin da ku nîşan bidin ku muzîka klasîk a Ermenî berdewam geş û pêş dikeve.”
Piyanîsta heşt salî ya Ermenî di pêşbirkên navneteweyî yên li Fransa, Spanya, Hollanda, Îtalya, Serbistan, Polonya, Brîtanyaya Mezin û her weha li Komara Ermenistanê de gelek xelat wergirtiye.
