Serokê partiya “Ji bo Komarê” Arman Babajanyan di civîneke çapemeniyê de li ber avahiya Wezareta Derve got, “Welatek ku herî zêde derb li Dêra Ermenî daye, niha Wezîrê Derve yê wî welatî bi parastina dêrê mijûl e.”
“Rûsyayê biryar daye ku mudaxeleyî karûbarên yasayî yên welatê me bike. Wan bi tu awayî bersiv nedan sûcdarî û delîlên terorê, lê ew ji êrîşên bi navê li dijî dêrê bi fikar bûn. Ecêb e ku welatekî ku herî zêde derb li dêra me daye, Wezîrê Derve yê wî welatî biryar daye ku wê dêrê biparêze. Ev jî encama siyaseta derve ya parçebûyî ya welatê me ye. Têkiliyên bi Rêxistina Peymana Ewlekariya Kolektîf re bi tevahî nehatine qutkirin,” siyasetmedar destnîşan kir.
