Tevî ku dem bi dem ji aliyê Azerbaycanê ve derbarê binpêkirinên agirbestê de agahî hatin belavkirin jî, di tevahiya sala 2024an de li ser sînorê Ermenistan-Azerbaycanê rewşeke operasyonî ya bi îstîqrar berdewam bû. Wezîrê Parastinê yê Ermenîstanê Suren Papikyan di 21ê adarê de li Meclisa Neteweyî di rûniştina Komîteya Daîmî ya Parastin û Ewlekariyê ya NAyê de di dema nîqaşkirina pêşnûmeya pêkanîna fonên budçeya dewletê ya sala 2024an de daxuyanî da.
Li gorî wezîr, Konsepta Veguherîna Artêşê ji bo destnîşankirina rêgezên sereke yên ji bo pêkanîna reformên radîkal ên pergalê di sala 2024-an de di Hêzên Çekdar ên Komara Ermenistanê de hatî çêkirin, pejirandin û weşandin. Her wiha li ser vê konseptê plansaziya çalakiyê hatiye amadekirin.
“Ji bo nûjenkirina çek û kelûpelên leşkerî û herwiha bidestxistina modelên nû, girêbestên dabînkirina çek û alavên serbazî bi hejmarek ji kompaniyên niştecih û yên derveyî welat re hatine îmzekirin.” Xebatên endezyariya înşaetê jî dewam kirin. “Kar li ser avakirin û nûkirina cihên bicihkirina leşkerî ya daîmî hat kirin,” wezîr got.
