Tawanbariyên Azerbaycanê yên derbarê xebatên Mîsyona Çavdêriyê ya Yekîtiya Ewropayê ya li Ermenîstanê de, bi wê yekê ve girêdayî ye ku bi hebûna çavdêran li ser sînorê Ermenistan-Azerbaycanê, Bakû hêza ku şert û mercên xwe diyar bike winda dike.
Parlamentera Ermenîstanê ya Parlamentoya Swêdê Arîn Karapêt di hevpeyvînekê de ligel peyamnêrê Armenpressê, li ser nerazîbûnên berdewam ên Azerbaycanê li hember çalakiyên nûneratiya çavdêriya Yekîtiya Ewropayê li Ermenistanê û tohmetbarkirina Ermenistanê di wê çarçoveyê de, nêrînek wiha anî ziman.
Arîn Karapêt, bal kişand ser biryara Konseya Ewropayê ya ji bo dirêjkirina erka Mîsyona Çavdêriyê ya Yekîtiya Ewropayê ku ev zêdeyî 2 sal in li Komara Ermenîstanê kar dike û diyar kir ku ev biryara Brukselê bi taybetî ji ber rola mîsyona çavdêriyê ya di avakirina aştiyê li Kafkasya Başûr de gelekî girîng e.
Ew di wê baweriyê de ye ku dirêjkirina erkê Mîsyona Çavdêriyê ya Yekîtiya Ewropî ji bo Ermenîstan bi xwe jî, wekî welatek azad û demokrat, pir girîng e.
Parlamenter amaje bi daxuyaniyên ji Azerbaycanê jî kir ku dibêjin bila Ermenistan çekan nestîne.
