Serokwezîrê Komara Ermenîstanê Nîkol Paşînyan li Qesra Elyseeyê bi Serokomarê Fransayê Êmmanûêl Makron ra hev dîtine.
Serokomarê Fransayê pêşwaziya serdana serokwezîrê Ermenistanê kir û kêfxweşiya xwe ya ji bo qebûlkirina vexwendina beşdariya li Lûtkeya Çalakiyên Zêrevaniya Hunerî ku li Parîsê tê lidarxistin, nîşan da. Wî bal kişande ser berdewamiya geşepêdana hevkariyên pir beşî di navbera Ermenistan û Fransayê de û piştevaniya Fransa ji bo geşepêdan û aramiya Ermenistanê dupat kir.
Serokwezîr Nîkol Paşînyan spasiya mêvandariya germ kir û destnîşan kir ku sala 2024an di warê têkiliyên Ermenistan û Fransa de salek pir dînamîk bû. Serokwezîr bal kişand ser wê yekê ku gelek hevdîtin di navbera serkirde û dezgehên her du welatan de hatine kirin, peywendiyên berdewam berdewam in û îro peywendiyên Ermenistan û Fransayê gihîştine asteke nû.
Di hevdîtinê de serkirdeyên Ermenîstan û Fransa çendîn pirsên girêdayî pêşxistina hevkariyên dualî ji wan pêşbîniyên pêkanîna bernameyên hevbeş di warê aborî, jêrxana, çêkirina rêyan, enerjî, perwerde, geştiyar û warên din de gotûbêj kirin.
Di hevdîtinê de behsa pêvajoya aştiyê ya di navbera Ermenistan û Azerbaycanê de, geşedanên di pêvajoya xêzkirina sînor de û herwiha di çarçoveya projeya “Xaçerêya Aştiyê” de rêyên ragihandinê yên herêmî hatin vekirin. Nîkol Paşînyan tekezî li ser pabendbûna hikûmeta Ermenistanê ya bi rojeva aştiyê kir, herwiha çend pirsên din ên girîng ên herêmê jî hatin gotûbêjkirin.
Aliyan li ser perspektîfên pêşdebirina hevkariyên Ermenistan û Yekîtiya Ewrûpayê û her wiha berdewamkirina rojeva reformên demokratîk li welatê me nêrînên xwe danustandin.
