Kovara Amerîkî Forbes gotarek berfireh belav kir û tê de destpêkirina projeya înternetê ya satelîtê ya Starlînk a karsaz û milyarderê Amerîkî Îlon Mask û bandora wê ya muhtemel li Ermenîstanê pêşkêş kir.
Li gorî nûçeya “Armenpress”ê, nivîskarê gotarê Krêg Smît destnîşan dike ku Starlînk ji bo Ermenîstanê ne tenê dikare bibe nûbûnek teknolojîk, lê di heman demê de dikare bibe amûrek girîng a stratejîk, ku serxwebûna dîjîtal û aborî ya welêt xurt bike.
Gotar bi şirovekirina merasîma bidawîkirina kongreya cîhanî ya nûjenî û teknolojiyê li Ermenîstanê dest pê dike, ku tê de peyama Îlon Mask ji aliyê karsazê ermenî-amerîkî Razmik Hovakimyan ve hat pêşkêşkirin. Gotinên Îlon Mask mîna erêkirina eşkere ya berjewendiya potansiyela teknolojîk a Ermenistanê bû.
Di gotarê de diyar dibe ku Starlînk dê binesaziya dîjîtal a Ermenîstanê çawa biguhezîne. Bi taybetî tekezî li ser wê yekê tê kirin ku eraziyên çiyayî yên welat û civakên gundî yên dûr bi salan e ji ber nebûna pêwendiya înternetê ya bi îstîqrar û bilez tûşî ziyanê bûne. Bi Starlînk re, înterneta bi lezûbez dê li cîhên herî dûr jî peyda bibe.
