Hinardekirina Ermenistanê bo welatên Yekîtiya Aborî ya Avrasyayê (EAEU) ji 300 milyon dolarî di sala 2015an de derketiye 3,4 milyar dolarî di sala 2023an de.
Li gorî rapora “Armenpress”ê, Cîgirê Wezîrê Aboriyê Narêk Hovakîmyan di civîna lijneya daîmî ya pêkvejiyana Herêmî û Avrasya ya Meclisa Netewî de ev tişt ragihand.
Hovakîmyan destnîşan kir ku tenê di deh mehên sala 2024’an de bazirganiya di navbera Ermenîstan û welatên endamên Yekîtiya Aborî ya Avrasyayê de 11 milyar dolar derbas kiriye.
“Em dikarin vê yekê wekî encamek baş tomar bikin,” wî destnîşan kir.
Berhemên sereke yên ku ji Ermenîstanê îxracî Yekîtiya Aborî ya Avrasyayê tê kirin şerab, brandy, berhemên çandiniyê û her wiha berhemên pîşesazî û teknolojîk in.
Hovakîmyan destnîşan kir ku hilberîna tekstîlê jî rolek girîng dilîze, sektora mezinbûnek girîng tomar kiriye, nemaze di daxwaziya zêde ya li bazara Federasyona Rûsyayê de.
Li gor wî endametiya Yekîtiya Aborî ya Avrasyayê derfet daye Ermenîstanê ku bikeve bazarek ku 150 milyon xerîdar lê hene û ev yek jî ji bo hilberînerên herêmî, hinardekar û beşên cuda yên aboriyê derfetên nû peyda kiriye.
