Tê plankirin ku nûnertiya Ermenistanê li bendera Çabehar a Îranê were vekirin
Di çarçoveya projeya “Xaçerêyên Aştiyê” de, Ermenîstan armanc dike ku bi lez û bez Okyanûsa Hindê bi Behra Reş ve girêbide. Li gorî nûçeya “Armenpress”ê, Wezîrê Aboriyê yê Ermenistanê Gêvorg Papoyan di panela sêyemîn konferansa Yekîtiya Aborî ya Avrasyayê de ev tişt ragihand.
“Yek ji hêmanên girîng ên vê stratejiyê wê vekirina nûnertiya Ermenistanê li bendera Çabehar a Îranê be, ku dê têkiliyên me yên bazirganî ne tenê bi Îranê re, bi Hindistanê re jî xurt bike. Rêya ku di nav axa Ermenîstanê re derbas dibe, ne tenê ji bo Ermenîstanê, ji bo Hindistanê jî ku dixwaze herikînên xwe, pêdiviyên xwe cihêreng bike, wê girîng be.”
Li gor daxuyaniya wezîr, bar dê ji bendera Mumbai ya Hindistanê ber bi bendera Çabaharê ve biçe, paşê bi ser axa Ermenîstanê ber bi benderên Gurcistanê û paşê derbasî Yewnanîstan, Bulgaristan, Romanya û welatên din ên Yekîtiya Ewropayê bibe.
Papoyan wiha dawî li axaftina xwe anî: “Rêyeke wiha dê bihêle ku lêçûnên lojîstîkê ji sedî 25 kêm bike, her wiha dema radestkirinê bi awayekî berçav kêm bike, li şûna 40 rojan, bi qasî 25 rojan.”
