“Dê ji bo têkiliyên dualî hêzeke mezin bê dayîn.” Mezintirîn navenda bazirganiya Îranê li cîhanê li Ermenistanê hat vekirinê
30ê Îlonê yekem û mezintirîn navenda bazirganî ya Îranê li cîhanê li Ermenistanê hat vekirinê. Wezîrê Aboriyê yê Ermenîstanê Gêvorg Papoyan, rayedarên din ên Ermenîstanê, wezîrên Îranê û Balyozê Îranê yê li Ermenîstanê Mêhdî Sobhanî beşdarî vekirina navendê bûn.
Di vekirinê de balyoz Mêhdî Sobhanî ragihand ku ji bo wan şanaziyeke mezin e ku navenda herî mezin a cîhanê li Ermenîstanê vekin, ku ev yek jî şahidiya dostaniya herî kûr a bi Ermenistanê re dike.
“Ez ji dil hêvî dikim ku bi saya navenda bazirganiyê ya Îranê, pêwendiyên aborî û bazirganî yên di navbera her du welatan de geşek mezin bê dayîn. Têkiliyên her du welatan di warê bazirganî, aborî, veguhestin û enerjiyê de dê ji bo gelên her du welatan sermiyanek pir cidî biafirîne.
Qebareya bazirganiya di navbera Îran û Ermenîstanê de bi lez zêde bûye, ez hêvî dikim ku vekirina vê navendê jî zêdetir bibe alîkar. Em bi biryar in ku di her warî de têkiliyên xwe pêş bixin.”
Li gor wî îradeyek siyasî ya bihêz heye ku hevkarî û peywendiyên di navbera welatan de pêşve bibin.
Serokê Herêma Kurdistanê herwiha got: “Rêberên her du welatan ji bo bazirganiya di navbera her du welatan de sînorê 3 milyar dolar diyar kirine û divê em hemû hewlên xwe bidin ji bo ku ev yek bibe rastî.
