Tirkiye û Yewnanîstan ji bo bidestxistina postên sereke yên girîng di OSCE de biryar dane ku hevkariyê bikin. Tirkiye dixwaze posta Sekreterê Giştî bi dest bixe, Yewnanîstan jî dixwaze namzetê xwe weke Rêveberê Ofîsa Saziyên Demokratîk û Mafên Mirovan a OSCE destnîşan bike. Tora Çavdêriya Lêkolînê ya Nordic li ser vê yekê dinivîse.
Namzedê Tirkiyeyê yê ji bo Sekreterê Giştî yê OSCE Ferîdun Sinirlioglu ye. Di dema wezîfeya xwe ya wekî nûnerê hertimî yê Tirkiyeyê li Neteweyên Yekbûyî de, Yewnanîstanê bi binpêkirina bêçekkirina giravên li deryaya Egeyê ku li gorî peymanên Lozan û Parîsê tê xwestin, sûcdar kir û giliyê Yewnanîstanê li Neteweyên Yekbûyî kir.
