Wezîrê Derve yê Ermenîstanê Ararat Mîrzoyan bi Wezîrê Karên Derve yê Xirvatîstanê Gordan Grlîç Radman re hevdîtinek pêk anî. Ev ji hêla Wezareta Karên Derve ve hate ragihandin.
Di berdewamiya guftûgoyên ku di destpêka salê de di serdana Wezîrê Karên Derve ya Ermenîstanê bo Kirwatya de hatin kirin de, li ser cîbicîkirina peymanên ku di rojeva dualî de hatine kirin û li ser karên pêşerojê axivîn.
Wezîrên Karên Derve yên Ermenîstan û Xirvatîstanê li ser geşedanên dawîn ên herêmê nêrînên xwe dan hev.
Gordan Radman bûyerên li Balkanan û nêrînên aliyê Xirwatistanê pêşkêş kirin. Ararat Mîrzoyan, bal kişand ser atmosfera ewlehiyê ya li Başûrê Kafkasyayê, xebatên ji bo sererastkirina peywendiyên bi cîranan re pêşkêş kir. Wezîr Mîrzoyan bi taybetî bal kişand ser girîngiya îmzekirina peymana aştiyê di navbera Ermenistan û Azerbaycanê de di çarçoveya dabînkirina îstiqrara herêmê de û destnîşan kir ku ji bo vê yekê jî Yêrêvanê fermî îradeya siyasî nîşan daye.
