Wezîrê Derve yê Ermenîstanê Ararat Mîrzoyan îro li Talînê di civîneke rojnamevanî ya hevbeş de ligel Wezîrê Derve yê Estonya ragihand, Ermenistan amade ye ku bi temamî pêwendiyên xwe ligel Tirkiyê baştir bike, pêwendiyên dîplomatîk ava bike û sînoran veke.
Mîrzoyan got, “Di encama diyaloga bi hevkarên me yên Tirk re, me gihîştin rêkeftinên berbiçav û îşaret bi gavên ku divê ji bo asayîkirina peywendiyan bên avêtin.” – berdewam dike. – “Li ser vekirina sînor ji bo hemwelatiyên welatên sêyemîn û hemwelatiyên Ermenistan û Tirkiyeyê yên xwedî pasaporta dîplomatîk, em bi berdewamî biryardariya xwe ya ji bo van peymanan dubare dikin. Û ez ji dil bawer dikim ku dema pêkanîna vê peymanê ye.
Duh Sekreterê Konseya Ewlekariyê ya Ermenîstanê Armen Grigoryan jî ragihandibû ku Êrîvan ji Enqereyê çalakiyan hêvî dike.
Nûnerên taybet ên Ermenistan û Tirkiyê li ser vekirina sînorê bejayî ji bo welatiyên welatên sêyemîn, xwediyê pasaportên dîplomatîk di havîna sala 2022an de li hev kirin û her çend ku piştre di gelek caran de ev yek dubare kirin, lê di vî warî de ti pêşveçûnek çênebûye. Grîgoryan îro got ku muhletê tuneye.
