Di 29ê Gulanê de Cîgirê Wezîrê Derve yê Ermenîstanê Parûyr Hovhannîsyan beşdarî sêyemîn konferansa wezîran a “Îtalya-Asyaya Navîn” li Romayê bû.
Alîkarê wezîrê derve, spasiya aliyê Îtalyayê ji bo vexwendina Ermenistanê kir, projeya “Xaçerêya Aştiyê” ku ji aliyê Hikûmeta Ermenistanê ve hatiye amadekirin û prensîbên wê di rûniştina “Pêwendiyan” de pêşkêş kir û tekez kir ku ev proje dikare bi destpêşxeriyên cîhanî re were yekkirin.
Alîkarê Wezîr Parûyr Hovhannîsyan diyar kir ku projeya “Xaçerêyên Aştiyê” ji bo pêşxistina pevgirêdana aborî û diyaloga di navbera welatên cîran de, rêzgirtina li serweriya dewletan û prensîbên wekhevî, dadwerî û hevdudîtinê ye.
Alîkarê Wezîrê Karên Derve amaje bi geşedanên jeopolîtîk ên li Başûrê Kafkasyayê jî kir û diyar kir ku projeya “Xaçerêya Aştiyê” beşeke sereke ye ji xebatên hikûmeta Ermenistanê yên ji bo pêşxistina aştî û aramiyê li herêmê.
