Rêxistinên Amerîkî jî di lêkolînên teknîkî û aborî yên avakirina santrala nûkleerî li Ermenîstanê de cih digirin, lê hevkariya bi Rûsyayê re jî berdewam e.
Cîgirê Wezîrê Îdareya Herêmî û Binesaziya Ermenistanê Hakob Vardanyan di bersiva pirsa nûçegihanê “Armenpress”ê de derbarê hevkariya ermenî-amerîkî ya di wî warî de.
Hakob Vardanyan diyar kir. “Li Ermenîstanê di çarçoveya avakirina yekîneya/yekîneyên nû yên nukleerî de xebatên teknîkî û aborî tên kirin û rêxistinên Amerîkî jî tê de cih digirin. Nêzîkatî û ramanên formulekirî yên li ser mijarê ji wan re hatin vegotin. Em di vê qonaxê de guncav nabînin ku agahdarî li ser rêgez û çarçoveya hevkariya muhtemel a bi DY re eşkere bikin.”
Di 5ê Nîsanê de Serokwezîrê Ermenîstanê Nîkol Paşînyan, Wezîrê Derve yê Amerîka Ênthonî Blînkên û Seroka Komîsyona Ewropî Ûrsûla von dêr Lêyn li Brûsêlê perspektîfên geşepêdana aborî ya Ermenîstanê gotûbêj kirin. Piştî hevdîtinê Cîgirê Wezîrê Derve yê Amerîka bo Karûbarên Ewropa û Avrasyayê James O’Briên ragihand ku Amerîka amade ye piştevaniya pêşxistina enerjiya atomî û ewlehiya enerjiyê li Ermenistanê bike.
