Gava ku navendên mezin ên cîhanê, di nav wan da karbidestên Amerîkî û Ewropî, Azerbaycanê hişyar dikin ku li dijî Ermenîstanê dest bi operasyonên leşkerî neke, mebesta wan Syûnîk e û dizanin ku ev operasyon dê pêk werin. Siyasetzan Stêpan Danîêlyan li ser vê yekê gotîe.
Li gorî wî, dema Îran bi berdewamî radigihîne ku ev yek ji bo wê nayê qebûlkirin, ev jî nîşan dide ku planên wiha hene. Wî her wiha got: Îran li dijî wê ye, ji ber ku di paşerojê de cîbicîkirina pîlanên Tirkiyê û Azerbaycanê dibe ku yekparçetiya axa Komara Islamî ya Îranê bi şêweya serhildana muhtemel a Azeriyên ku li wir bi cih dibin, tehdîd bike.
“Azerbaycan dixwaze rêyekê ji Tirkiyê re veke, ku eger pirsgirêkên zêdetir bi Rûsya û Îranê ra çêbibin, dê girîngiya wê ya leşkerî hebe. Baku bi lez e. Û niha jî tam ji ber helwesta Îranê ye ku Azerbeycan li Syûnîkê derneketiye holê. Eger rewşa Îranê wisa be ku nikaribe bi Tirkiye û Azerbaycanê re bikeve nava nakokiyeke zêde, dê bibe sînyala êrîşa li ser Syûnîkê.” Li gorî nirxandina wî, qedera Syûnîkê û tevahiya Ermenistanê girêdayî pêvajoyên jeopolîtîk ên derve ye.
Gotûbêjên bi navê dorpêçan wek gavên pêşîn li ser rêya cîbicîkirina planên Baku û Enqerê bi nav kir.
Danîêlyan dûbare kir ku armanca rastî ya Tirkiye û Azerbaycanê ne Qerebaxa Çiya ye, Syunik e û ew ê tu carî dev ji van planan bernedin. Bi gotina wî, di qonaxa yekem de, Azerbaycan dê bixwaze leşkerên xwe di bin navê girtina navçeyên dorpêçkirî de derbasî nav axa Ermenistanê bike û dê li benda berteka navdewletî be û di qonaxa bê de jî dê plana êrişê bike. li ser Syunik.
