Tevî daxuyaniyên ji Bakûyê yên ku dibêjin Azerbaycan heta niha razîbûna xwe ji bo civîna pêncalî ya serokên welatan li Moldovayê nedaye, Yekîtiya Ewropî dupat dike ku lihevkirinek heye ku serokên Ermenîstan û Azerbaycanê ne tenê li Brukselê bicivin, lê li Moldovayê jî, bi beşdariya serokê Fransa û serokwezîra almanî.
Wezareta Karên Derve ya Azerbaycanê îdia kir ku civîna 5 alî nefermî ye û tenê heke şert û mercên pêşwext ji hêla Bakûyê ve were danîn, dikare were kirin.
“Me ragihand, ku bi şertê, ku li şûna formata Brukselê nebe, dibe ku aliyê Azerbaycanê beşdar ne bibe. Lê belê ji ber ku hûrgiliyên hevdîtinê nehatine eşkerekirin, heta niha peymana dawî nehatiye dayîn:” Berdevkê Wezareta Derve ya Azerbaycanê Ayxan Hacîzade got.
Azerbaycan ji hevdîtina 1’ê Hezîranê ya bi Makron û Şolz re xwe diparêze û bi rastî şert û merc danîne, çima? Davît Stepanyan, pisporê hevkarê Enstîtuya Ermenîstanê ya Karûbarên Navneteweyî û Ewlekariyê, di hevpeyvînekê de ligel Factor TV îdia dike ku Baku derewan dike.
“Rastî, lihevkirinek heye ku di navbera Paşînyan û Alîyev de bi formata Makron û Şolz li Kîşînevê hevdîtin pêk were. Azerbaycan nikare Dewletên Yekbûyî yên Amerîkayê red bike, bibêje ku ew li dijî pêşniyara Amerîkayê ya ji bo statuya Qarabaxê ye û bi rastî jî ew hevdîtinên bi Federasyona Rûsyayê ra torpîl dikin. Êrîşa Sotkê vê yekê îspat dike. Emmanuel Makron dostê Ermenîstanê ye. Alîyev zane ku wê li Kîşînevê zextê li ser wî bikin, bi provokasyonan muzakereyan torpîl dike:” dibêje Davît Stepanyan.
