Serokwezîrê Ermenistanê Nîkol Paşînyan îro di civîna hikûmetê de got: Kiryarên Azerbaycanê provokatîf in û armanca wan ew e ku pêşkeftinên di danûstandinên 1-4ê Gulanê de li Waşîngtonê hatin kirin pûç bike.
Îro danê sibê hêzên çekdar ên Azerbaycanê çeperên artêşa Ermenîstanê yên li herêma Sotk a navçeya Gêxarkûnîkê gulebaran kirin. Di encama êrîşê de 4 leşkerên Ermenî birîndar bûne.
“Armanca provokasyona îro jî ew e ku civîna sê alî ya ku tê payîn roja Yekşemê 14ê Gulanê li Brukselê tê payîn û hevdîtinên 5 alî yên ku di 1ê Hezîranê de li Chisinau tê payîn bê kirin, asteng bike. Tecrûbe nîşan dide ku Azerbaycanê tenê ji bo bidestxistina hincetekê ji bo zêdebûn û şer pêdivî bi pêvajoya muzakereyê heye, lê zêdebûn tenê ji bo betalkirina pêşkeftinên ku di danûstandinan de bi dest ketine tê bikar anîn. – wî gotîe.
Li gorî serokwezîr, armancek din ew e ku bala Ermenîstan û civaka navneteweyî ji rastiya çêkirina xala kontrolê ya neqanûnî li Korîdora Laçînê dûr bixe û li cihekî nû krîzek nû çêbike.
Wî bal kişande ser wê yekê ku tevî hewildanên Azerbaycanê, kêşe di navenda balkişandinê de maye û divê peywendiyên aktîf bi civaka navneteweyî re li ser vê mijarê berdewam bin.
Serokwezîr Paşînyan diyar kir ku ew hîn jî bi biryar in ku beşdarî civîna Brukselê bibin, lê îhtîmala ku roja Yekşemê bi Azerbaycanê re peymana aştiyê were îmzekirin ne pêkan e.
Serokwezîr tekîd kir: “Pêşnûmeya rêkeftina pêkanîna aştî û peywendiyên navbera dewletan di qonaxa destpêkê de ye û hîn zû ye ku em behsa îmzekirina wê bikin.”
Paşînyan wiha got: “Azerbaycan bi kiryarên îro, peymanên bingehîn ên ku di 6ê Cotmeha 2022an de li Pragê û 31ê Cotmeha 2022an li Soçiyê hatin kirin, dixe bin pirsê.
