Ji rojên ewil ên Şampiyoniya Hilgirtina Giran a Ewropayê ku li Erîvanê hat lidarxistin, tîma Tirkiyeyê 6 madalyayên zêr bi dest xistine. Serokê Federasyona Girangiriyê ya Tirkiyeyê Talat Ûnlyûn vê rastiyê bi kêfxweşiyeke mezin tîne ziman. Bi texmîna wî şampiyonî li Ermenîstanê pir baş hat organîzekirin.
Bi rastî jî gelek xebat hatin kirin, min heman tişt ji televizyona welatê me re jî got ku ev şampiyoniya Ewropayê ya herî baş di van deh salên dawî de hatiye organîzekirin e. Wek ku min berê jî behs kiribû, heger ne ew beşa roja yekem bûya, ku ala Azerbaycanê hatibû agirxistinê, wê demê dê her tişt bêkêmasî bûya. Ji bo me, li vir her tişt tê hesibandin, ti pirsgirêkek me tune, heta ku pir zêde hate kirin, ku me nerehet kir. Lê belê em fêm dikin ku tişta diviyabû bihata kirin û di heman demê de pir baş hat organîzekirin.” Talat Ûnlyûn di axaftina xwe ya bi Armenpressê re gotîe.
Piştî bûyerê, Wezareta Perwerde, Zanist, Çand û Werzişê ya Ermenîstanê piştrast kir ku bûyer pir zû hate çareser kirin, nûnerê Azerbaycanê ala nû peyda kir, ku ev yek jî berdewamiya rêkûpêk a merasîmê misoger dike. Li gorî Talat Ûnlyûn, ji bilî vê bûyerê, di tevahiya vê demê de ti pirsgirêkek din rû nedane.
“Ezê di hemî rojên vê şampiyoniyê de li vir bim, ji ber ku yek ji sedemên bingehîn ên ku em hatin vir ew bû ku em bibînin ka ew çawa hate organîze kirin. Helbet piştî ku destûr xwest min ji salonên pêşbirk û rahênanê wêne û vîdyo kişandin da ku em bi awayekî herî baş xwe ji bo şampiyoniyê amade bikin. Me agahî û şîretên wiha ji organîzatoran girt. Di vî warî de alîkariya me kirin û em spasiya vê yekê dikin.”
Werzişvana tîma neteweyî ya Tirkîyayê Nûral Gyûngyor yek ji madalyayên zêr yên pêşbirkêye. Werzişvan zehmete ku hestên xwe vebêje, kêfxweşe ku karibûye li Ermenîstanê bi serkeftî pêşda bê. Li gor qîmetîya giranîbilindkir, pêşbirka li Ermenistanê di asteke bilind de hat organîzekirin.
“Pêşbirk pir baş derbaz dibe, pir baş hatîye organîzekirin, ji ber vê yekê ez gelek spasîya organîzatoran dikim. Em razîne, her tişt pir başe”,- Gyûngor got.
Li Yêrêvanê li pêşbirka Avropayêye giranîbilindkirinê nêzîkî 300 werzişkar ji nêzîkî 40 welatan hêza xwe diceribînin. Ji bidawîbûna pêşbirkê çend roj mane û pêşbirk roj bi roj germtir dibe.
