Pisporê sereke yê konsera Nobelê Mîxaîl Kazînîk, berê jî bibû Ermenîstanê, bi huner û çanda gelê ermenî baş dizane.
Vê carê ne bi tenê, lê bi komek xwendekarên ji neteweyên cuda re hat. Hunermend bi xwe ji geştên weha re dibêje “Akademiya Afirîner”. Akademiyen Maestro li quncikên herî girîng ên çandî yên gerstêrkê tên derbaskirin, ku beşdarên projeyê xwedî derfet in, ku rasterast mîrata çandî ya wê an wê herêmê nas bikin.
“Min her tim ji Ermenîstanê hez kir, ji ber vê yekê min vê carê akademiya xwe ya navneteweyî li vir derbas kir. Di bin dirûşma “Ermenîstan dilê zindî yê gerstêrkê ye” derbas dibe. Em hefteyekê li vir in, me li cihên cihê geriyane, û em ê bi wê hestê derkevin ku em hatine cîhek çîrokî – cîhê mirovên xweşik, ramanên xweş. Beşdar bi tufa pembe, mîmarî, fikra bihêz a avakirina Êrîvanê kêfxweş in:” got Kazînîk.
Hunermend destnîşan dike, ku ew mîrata afirîneriya mezinên Ermenîyan baş nas dike. Li gorî Kazînîk hunermendên wek Frîk, Narekatsî, Saroyan muxatabên wî ne.
Û bi tesadufî navê akademiyê hilnebijart. “Ermenîstan gerdûnek tev e, girêdana deman e. Ev perestgehên herî kevn, bermayên bêhempa ne. Rengên Ermenîstanê nebawer in. Heman reng di hunerên xweşik, xemilandî û dîwarên rahîban de têne bikar anîn. Digel ku ew welatekî piçûk e û nifûsa wê hindik e jî, li vir gelek genî hene. Mînak Komîtas yek ji kesayetiyên herî birûmet ê cîhanê ye. Wî senfoniyên mezin neafirand, operayên dêw neafirand, lê cîhanek tevahî afirand. Û cîhana Komîtas pir girîng e. Jiyan û qedera wî dikare bibe bingehek ji bo akademiyek tevahî.
Li gel derbaskirina akademiya afirîner a li Ermenîstanê, Kazînîk li Koleja Hunerê ya Dewletê ya Dilîjanê di forma konserê de bi sernavê “Nîşeyên çandî yên veşartî” ders da. Û di 14 Nîsanê de maestro li Konservatuara Erîvanê ya Dewletê, ya ser navê Komîtas, axaftinek kir.
Organîzatorê çalakiya li Dilîjanê weqfa xêrxwaziyê ya “Tûrîzm û Bajarvaniyê” (TUF) bû, çalakî ji aliyê Navenda Civaka Dilîcanê ya Şîrketa Îdareya Împulse ve hat destekkirin.
