Li Artaxê, ku zêdeyî 2 meh in di bin dorpêçê de ye, krîza enerjiyê girantir bûye, qeza zêde bûne. Pergala enerjiyê ji 9’ê Kanuna Paşinê vir ve felc bûye, dema ku yekane xeta elektrîkê ya voltaja bilind a ji Ermenîstanê ber bi Artsaxê ve ket. Ev du meh in li Artsaxê gelek kelûpelên bingehîn bi kupon têne firotin. Komîsyona Karûbarên Giştî û Pêşbaziya Aborî ya Dewletê ya Artsaxê bazarê kontrol dike. Rêxistinê ji “Radiolur”ê re da zanîn ku ew rojane li tesîsên bazirganiyê yên bajarên Stepanakert, Askeran, Martûnî û Martakertê kontrolê dikin.
Rêvebirê kompanyaya “Artsakhenergo” Andranîk Khaçatryan ji “Radiolur”ê re got, “Sîstema enerjiyê li Artsaxê nikare li ber barkirinê rabe, tora belavkirinê bi bargiraniyek zêde dixebite”. Ew destnîşan dike ku Artsakh hewcedariya xwe ya enerjiyê li ser hesabê çavkaniyên navxweyî pêk tîne.
“Rewşa torê xirabtir e, hemî bar li ser torê ye. Ji wê demê heta niha hejmara qezayan çend qat zêde bûye, bar ji asta destûr zêde bûye.”
Pergala enerjiyê ya li Artsaxê ji 9ê Kanuna Paşinê vir ve felc bûye, dema ku yekane xeta elektrîkê ya voltaja bilind a ji Ermenîstanê diçû Artsaxê qelibî. Aliyê Azerbaycanê rê nade, ku wê tamîr biki. Li gorî daneyên destpêkê, wê di nav çend saetan de xêza elektrîkê were vegerandin, lê dema pispor herin cihê qezayê, wê nirxandina dawî were dayîn. Û hê jî ew derfet tuneye. Niha li Artsaxê elektrîk di saetekê de 6 caran tê qutkirin. Rêvebirê “Artsakhenergo” dibêje ku heta niha behsa guhertina bernameyê nehatiye kirin. Her wiha daxwaz dike ku elektrîkê kêm bikar bînin.
“ Banga me ya rojane ew e ku em hemû bala xwe bidin û elektrîkê kêm bikar bînin. Bi kêmanî bikaranîna elektrîkê îro pêdiviyeke lezgîn e.”
Ji ber ku qebareya xerckirina elektrîkê ya herî zêde li Stepanakertê ye, herî zêde qeza li paytexta Artsaxê pêk tê. Li Artsaxê kargehên mezin ên hilberînê naxebitin. 45 megawat elektrîk pêwîst e ji bo dabînkirina pêdiviya navxwe, lê kêm tê berhemanîn, 30-36 megawat. Rêjeya elektrîkê ya ku tê hilberandin bi mîqdara ava rezerva Sarsang ve girêdayî ye.
Li Artsaxê di nav çend rojan de wê lîsteya xwarinên ku bi kupon têne pêşkêş kirin berfirehtir bibe: sebze, fêkî, hêk, toza şuştinê. Ji bo rê li ber zêdebûneke ne maqûl a nirxê kelûpelên ji bo firotinê bê girtin, Komîsyona Dewletê ya Birêkûpêkkirina Xizmetên Giştî û Pêşbaziya Aborî ya Artsaxê bazarê kontrol dike. Komîsyon ji “Radiolur”ê re radigihîne ku rojane li tesîsên bazirganiyê yên bajarên Stepanakert, Askeran, Martûnî û Martakertê kontrolê dikin.
“Di dema kontrolê de, dezgehên bazirganî têne hişyar kirin, ku dev ji kirîna hilberên bi eslê xwe nediyar ên, ku bi bihayên bilind têne pêşkêş kirin berdin, û di dema kirînê de, tenê bi bihayên firotanê yên dorpêçê bifroşin.”
Der barê 13 karsazan de dozên îdarî hatin destpêkirin, ji bo firotina çend berheman bi buhayên bilind. Der barê 4 tesîsên bazirganiyê yên li Stepanakertê, 5 li Askeranê, 2 li Martakertê û 1 jî li 2 komînên herêma Martakertê dozên îdarî hatin destpêkirin.
Ji bo kontrolkirina nirxan , komîsyon ji karsazan daxwaz dike ku xwe ji bihayên bilind ji bo firotina hilberan û kirîna wan bêyî belgeyên piştgirî dûr bixin. Mijareke din a girêdayî firotina kelûpelan ji aliyê Servîsa Ewlekariya Neteweyî ya Dewletên Yekbûyî ve tê destgirtin. Ev avahî wê rastiya agahiyên, ku li ser platformên civakî tên belavkirin, ku li gorî wan berhemên çandiniyê yên ji Tirkyê li Artsaxê tên firotin, piştrast bike.
