Serokê Dêra Ortodoks a Rûsyayê Patrîk Kîrîll (Vladîmîr Gûndyaêv) di salên 1970yî de li Cenevreyê bi talîmata Komîteya Ewlekariya Dewletê ya Yekîtiya Komarên Sovyet ên Sosyalîst (KGB) xebatên îstîxbaratê pêk anîe. Ev ji hêla çend rojnameyên Swîsreyî ve hate ragihandin, bi taybetî, “Tages-Anzeiger” ku ji arşîvên dewletê yên nepenîkirî vedibêje.
Li gorî wan agahiyan, Gundyaev bi kodnavê “Mîxaylov” di îstixbaratê de kar kiriye. Ew li Swîsreyê bi sîxuriyê mijûl bû, wekî nûnerê Patrîkxaneya Moskowê ya girêdayî Civata Dêran a Cîhanê bû. Di heman demê de, erka wî ya sereke ew bû ku bandorê li Civata Dêrên Cîhanê bike.
Li gorî nûçeya “Tages-Anzeiger”, Balyozxaneya Rûsyayê ya li Bernê bi daxuyaniyeke nerazîbûnê bersiva van weşanên ZLM da û ev peyam wek “nimûneyeke din a nefreta Rûsyayê ya li Swîsreyê belav dibe” bi nav kir. Dêra Ortodoks a Rûsyayê red kir ku şîrove bike. Şûraya Dewletê ragihand ku di vê mijarê de ti agahiyek wan nîne.
