Îro Parlementoya Ewropayê biryareke lezgîn “Li ser encamên mirovî yên dorpêçkirina li Qerebaxê” qebûl kir.
Parlamento qeyrana mirovî ya giran a ku ji ber dorpêçkirina Korîdora Laçîn a li Qerebaxa Çiyayî ji hêla hawirdorparêzên xwebexş ên Azerbaycanê ve pêk hat, şermezar dike.
Ji ber ku ev korîdor tekane rêya ku Qerebaxê bi Ermenîstanê û cîhana derve ve girêdide ye, parlementerên PEyê bang li Azerbaycanê dikin ku demildest wê veke, da ku tevgera azad û gihîştina mal û xizmetên pêwîst misoger bike.
Di biryarnameyê de li ser pêwîstiya peymana aştiyê ya berfireh di navbera Ermenistan û Azerbaycanê de, ku maf û ewlehiya nifûsa Ermenî ya Qerebaxa Çiya garantî bike, tekez dike. Ew daxwaz dike ku rê ji rêxistinên navdewletî re were dayîn ku derbasî deverê bibin da ku alîkariyên mirovî yên pêwîst peyda bikin, û şandeyek NY an OSCE ya lêkolîna rastiyan biçe Korîdora Laçînê ji bo nirxandina rewşa mirovî li ser erdê.
Herwiha endamên Parlamentoya Ewropayê “bêçalaktiya” aştîparêzên rûsî yên li herêmê hene şermezar dikin û di wê baweriyê de ne ku divê li şûna wan aştîparêzên navneteweyî yên OSCE bên guhertin.
