Dewletên Yekbûyî yên Amerîkayê bi serweriya Ermenîstanê ve girêdayî ye û ji bo avakirina aştiyê li herêma Kafkasya Başûr wê xebatên xwe bidomîne. Li gorî rapora “Armenpress”ê, Balyoza Amerîkayê Lîn Traysî ku wezîfeya xwe ya dîplomatîk li Ermenîstanê bi dawî tîne, di peyama xwe ya vîdyoyî ya xatirxwestinê de piştrast kir.
“Zêdetirî 3 sal in ez li Ermenîstanê me. Demeke dijwar bû ji bo welêt, tevî kêşeyên ku nayên înkarkirin, ez ji pêşeroja Ermenîstanê geşbîn im. Bingeha xweşbîniya min gel e, ” Traysî got.
Ew ji rêgezên erênî yên têkiliyên Ermenî-Amerîkî îlham girtiye. Wê serdana vê dawiyê ya Nansî Pelosî û naskirina Jenosîda Ermenîyan ji aliyê Bayden ve weke bûyereke girîng nirxand.
Lîn Traysî destnîşan kir ku Ermenîstan welatek xweşik e û xwedî mîrateya çandî ya dewlemend e.
“Îsal me 30 saliya hevkariya di navbera her du gelên xwe de pîroz kir, hevkariyek ku di têkiliyên di navbera hikûmetên me de, lê ya girîngtir, gelên me de îfadeya xwe girt. Ji vir ez bîranînên ku wê her û her di rûhê min de bijîn, dibim: ” got Traysî.
