Wezîrê parastinê yê Komara Ermenîstanê Suren Papîkyan di çarçoveya serdana xwe ya xebatê ya bo Federasyona Rûsyayê de, di 9ê Kanuna Pêşinê de beşdarî civîna hevpar a wezîrên parastinê yên welatên SCO û CIS bû û rewşa, ku di encama êrîşa dawî ya leşkerî ya alyê Azerbaycanê ve li herêmê çêbûye pêşkêş kir.
Piştî vê yekê Wezîrê parastinê yê Komara Ermenîstanê Suren Papîkyan û Wezîrê Parastinê yê Rûsyayê General Sergey Şoygu civiyan. Di hevdîtinê de çend mijarên heyî yên girêdayî ewlekariya herêmê û hevkariyên leşkerî û leşkerî-teknîkî hatin nîqaşkirin. Di dawiya civînê de bernameya hevkariya leşkerî ya sala 2023’an a di navbera wezaretên parastinê yên Ermenîstan û Rûsyayê de hat îmzekirin.
