Bi mebesta vekolîn li ser rewşa şerê dijwar ku ji 27ê Îlona 2020an de ji aliyê hêzên çekdar ên Azerbaycanê ve li dijî Komara Artsaxê pêk hatiye, hejmarek dozên tawanan ji aliyê dezgehên qanûnî yên Komara Artsaxê ve hatine destpêkirin. Di çarçoveya wê de gelek topên neteqiyayî û bermahiyên topan hatin desteserkirin, lêkolîn hatin kirin.
Ji aliyê Serdozgeriya Artsaxê ve hat ragihandin ku rokêta neteqiyayî ya ku li herêma îdarî ya bajarê Martûnî yê Artsaxê hatiye dîtin û nimûneyên jê hatine bidestxistin, ji bo lêkolînê lêkolînerê Komîteya Lêkolînê re hatine şandin. Li gorî encama lêkolîna ku ji aliyê komek pisporên serbixwe ve hat kirin, hat îspatkirin ku ew cebilxaneyeke fosforê ye ku ji fosfora spî pêk tê.
Bi vî awayî, li gorî encamên lêkolînên pispor, hate piştrast kirin ku di rojên şerê 44 rojî yên sala 2020-an de, hêzên çekdar ên Azerbaycanê bi çekên kîmyayî rasterast cihên ku xelkê sivîl lê dijîn, kirin armanc, ku bû sedema wêrankirina komî û hejmareke zêde ya azar û ziyanên mirovî.
Bi vî awayî Azerbaycanê xala 35 ya Peymana Cenevreyê (Protokola 1) bi tundî binpê kir.
