Rafael Grossî, Rêvebirê Giştî yê Ajansa Navnetewî ya Enerjiya Atomê, gavên ku ji bo dirêjkirina jiyana karûbarê strukturê armanc dikin,bilind nirxand . Pisporê enerjiya atomê, şêwirmendê sereke yê rêvebirê Santrala Nukleerî ya Neteweyî Gera Sevîkyan ev tişt got.
Grossî bi tiştên ku dît razî bû. Piştî têgihiştina rewşa santrala nukleerî, wî tekez kir ku me gelek kar kiriye: me alavên ewlehiyê tamîr kirin, hin beş guheztin û ewlehiya giştî ya santrala xwe ya atomî zêde kirin:” got Sevîkyan
Wî bal kişand ser wê yekê, ku Santrala Nukleerî ya Neteweyî divê berî avakirina santrala nû ya nukleerî bi qasî 10-12 salan gavan bavêje, da ku temenê Santrala Nukleerî ya Neteweyî berdewam bike.
Li gorî Sevîkyan, piştî daxuyaniya Grossî, divê Tirkiye dev ji îstismarkirina mijara ewlehiya santrala nukleerê berde, ji ber ku li gorî wî, di van nêzîkê 50 salên xebatê de qet qezya çênebûye.
Wekî din, pispor destnîşan kir ku di bûyerek qezayê de jî, zirara potansiyel a santralên nukleerî yên mîna Metsamor, wekî mînak, bi encamên karesata Çernobîlê re nayê berhev kirin.
Bi bîr xin, ku Grossî di navbera 4-5ê Çiriya Peşînê de li Ermenîstanê bû. Di dema mayîna xwe ya li vir da da zanîn ku ew ê alîkariya santrala nukleerê ya Metsamorê bidomînin.
