Alîkarê Serokwezîrê Federasyona Rûsyayê Alêksey Overçuk ji TASSê re got, ku rmanca Rûsyayê pêşxistina têkiliyên bi Ermenistanê re û çareserkirina pirsgirêkên aborî di pratîkê de ye, û ev ne tenê gotinên xweş in. Heyeta Rûsyayê bi serokatiya Alêksey Overçuk ji bo beşdariya IX-emîn Foruma Navdewletî ya Rûsî-Ermenî hat Erîvanê.
“Em bi heyeteke wiha ya temsîlî hatin vir da ku em balê bikşînin ser nêzikbûna xwe ya dîrokî ya bi Ermenîstanê re û daxwaza pêşxistin û xurtkirina têkiliyên di navbera gel û aboriyên xwe de. Pirsgirêk çareseriya pratîkî ya kêşeyên aborî yên rûbirûyê Rûsya û Ermenistanê ye, ev ne gotinên xweş, ne teorî û ne soz in, lê xebatek rasteqîne ji bo berjewendiya gelên welatên me:” wî got.
Wî got jî ku alî berdewam kar dikin “li hemû astan: li herêmên Rûsyayê û herêmên Ermenîstanê, di civakên karsaz û pisporan de, di saziyên dewletê de.”
Di 19ê îlonê de, wê Êrîvanê IX foruma nav-herêmî ya Rûsî-Ermenî were vekirin. Di bernameyê de wê maseyên dor bên derbaskirin,ji bo guftûbejkirina pêşxistina potansiyela lojîstîk û veberhênanê ya herêman, , dîjîtalîzekirin û her weha mijarên niha yên hevkariyê di navbera Rûsya û Ermenistanê de di warê hevkariya mirovahî de.
Şanda Rûsyayê ji zêdetirî 250 beşdaran, zêdetirî 150 nûnerên rêxistin û derdorên karsaziyê, 13 pêkhateyên Federasyona Rûsyayê, Ofîsa Serokomariyê, Wezareta Pêşketina Aborî, Wezareta Karên Derve, Wezareta Perwerdehiyê, Wezareta Pîşesazî û Bazirganiya Rûsyayê, Rossotrudnichestvo, Wezareta Pêşkeftina Aborî, nûnerên Balyozxaneya Federasyona Rûsyayê li Komara Ermenîstanê.
