“Şanda, ku bi lihevkirina rêveberiya kampê re, giheşte El-Xolê, bi penaberên Iraqî re hevdîtin kir û dest bi tomarkirina malbatên nû yên DAIŞ’ê kirin da ku di rojên pêş de vegerin Iraqê: “- “Navenda Çavdêriya Sûrî ya ji bo pabendbûna mafên mirovan” radigihîne.
Li gorî medyaya online ya êzîdî ya herêmî, tevî ku kêmîneya êzîdî li kampên penaber û derbideran dijîn, li dijî vegera malbatên DAIŞê bo Iraqê ne, lê hikûmet wan vedigerîne û wan li nêzîkî van kampan bi cih dike.
Kiryarên bi vî rengî yên hikûmetê nava şêniyên Êzdiyên herêmê de dibe sedema tirsê, nêzî van kampan bûyerên kuştin, destavêtin û revandinê zêde bûne. Desthilatdarên dewletê van rastiyan tawanên asayî ve girê didin û wan bi koçberkirina malbatên DAIŞê ve girê nadin. Gelê êzdî li dijî bicihkirina malbatên DAIŞ’ê ne, lê hemû hewlên ku ji hikûmet û rayedarên dewletê re metirsiya bicihkirina bi vî rengî ragihînin, ji aliyê kesî ve nayê hesibandin.
Rêxistinên xwecihî, yên mafên mirova, yên Êzdiyan name ji rêxistinên navdewletî yên mafên mirovan re şandin, lê bersiva wan hat ku dewleta Iraqê xwe biryara bicihkirina penaberên xwe dide û mafê wan nîne destêwerdanê biryarên wan de bikin.
Desthilatdarên Kurd li bakurê rojhilatê Sûrîyê 620 endamên malbatên çekdarên Dewleta Îslamî (DAIŞ) ku li El-Xolê girtî ne, radestî hikûmeta Îraqê kirine.
Di 5ê Hezîranê de, Nûnertiya Netewên Yekbûyî ji bo Iraqê (UNAMI) şandeke ligel Serokê Dezgeha Ewlekariya Niştimanî ya Iraqê, şand kampa El-Xolê ji bo nirxandina rewşê.
Hêzên Sûriyeya Demokratîk (HSD) ku pêşengiya wê Kurd dikin, ku li kampê diparêzin, her wiha Iraqê re û NY re, gelek caran hişyarî dan derbarê metirsiyên cidî yên ewlehiyê li kampê û bang li welatan kirin ku welatiyên xwe yên li kampê vegerînin.
Niha 16404 malbat (60351 kes) li Holê dijîn, ji wan 8256 malbatên Îraqî (30738 kes), 5619 malbatên Sûrî (21058 kes) û nêzîkî 2529 malbatên biyanî (8555 kes).
