Tîma Hêzên Çekdar ên Federasyona Rûsyayê ji bo ku xwe ji bo qonaxa navneteweyî ya pêşbirka “Şervanê Aştiyê” ya Lîstikên Artêşê yên Navneteweyî amade bike, gihîşt Ermenîstanê. Ev agahî ji aliyê Navenda Çapemeniyê ya Navçeya Leşkerî ya Başûr ve hat ragihandin.
Çalakiyên pêşbirkê wê di navbera 13-27ê Tebaxê de li qada yekîneyên leşkerî û kompleksên werzîşê bên derbaskirin. Bicihkirina hemû tîmên navneteweyî wê li navenda dibistana bajarê Dilîcanê were organîzekirin.
Di çalakiyên çand û şahiyê de ji bo hemû heyetan bernameyên çandî û serdanên cihên dîrokî yên Ermenîstanê wê bên derbaskirin.
Hemî çalakî wê bi şopandina tedbîrên paqijî û hîjyenîkî yên dijî-epdemîk bêne derbaskirin. Leşkerên Rûsya, Ermenistan, Kazakistan û Belarûs dê beşdarî pêşbirkê bibin.
Qonaxên navneteweyî yên lîstikên artêşên navneteweyî yên sala 2022`an li 11 welatan tên lidarxistin û zêdetirî 280 tîm ji 34 welatan di 34 pêşbirkan de beşdar dibin.
