Di şert û mercên îroyîn de, girîng e ku meriv fêhm bike ku civatên ermenî li welatên Kendava Farsê çawa dijîn, di çi guhertinan de ne, çi perspektîfên pêşveçûnê hene. Doktorê Zanistên Aboriyê, endamê tam yê Akademiya Zanistên Ermenîstanê Yurî Suvaryan di konferansa navneteweyî ya bi navê “Welatên Ereb ên Kendava Farsê û civakên Ermenî, meyl û pirsgirêkên” ku di 4ê tîrmehê de li Êrîvanê hate derbaskirin, ev tişt ragihand.
Û ev perspektîf, li gorî zanyar, xemgîn in, ji ber ku hejmara civata ermenî li wir kêm dibe. “Di heman demê de, girîng e ku li van welatan, wekî berê, hêmanên (rojname û navendên çandî jî di nav de) hene ku ermeniyan nasnameya xwe biparêzin”: zêde kir Suvaryan.
Akademîsyen mijara konferans bi taybetî di çarçoveya pêvajoyên jeopolîtîk ên heyî de gelekî girîng bi nav kir.
“Îro ji bo derbasbûna ji nîzama cîhanê ya yekpolar ber bi pirpolar ve têkoşînek tê meşandin. Eşkere ye ku Rojhilat ji nû ve geş dibe û ji bo vegerandina cihên xwe yên berê hewl dide” : got Suvaryan.
